எளிய பொறிகள்

எளிய பொறிகள்;

 எமது அன்றாட வாழ்வில் எமது வேலைகளை இலகுவாக்க முடியும்.இவ்வாறு வேலையை இலகுவாக்கும் பொருட்டு பல உபாயங்களை மேற்கொள்ளலாம்.இவ்வாறு வேலையை இலகுபடுத்தும் சாதனங்கள் எளிய பொறிகள் எனப்படும்.

குறித்த ஒரு புள்ளியில் விசையைப் பிரயோகித்து பிறிதொரு புள்ளியில் தொழிற்படும் விசையை வெல்வதற்குப் பொறிகள் உதவும் .எளிய பொறிகளுக்கான உதாரணங்களாக பின்வருவனவற்றைக் குறிப்பிடலாம்.

ü  ஏணி

ü  மரக்குற்றியை பிளக்கும் ஆப்பு

ü  வள்ளத்தின் துடுப்பு

ü  தும்புத்தடி

 

ஒரு இடத்திலிருந்து விசை தேவைப்படும் மற்றொரு இடத்திற்கு விசையை ஊடுகடத்த முடியும்  .பொறிக்கு வழங்கப்படும் விசை எத்தனம் எனவும், பொறியில் வெல்லப்படும் விசை சுமை எனவும் அழைக்கப்படும் .

எளிய பொறிகள் நான்கு வகைப்படும்.

1.நெம்பு

2.கப்பி

3.சாய்தளம்

4.சில்லோடு அச்சாணி

நெம்பு கோல்

 எமது வேலையை இலகுவாக்கும் ஓர் எளிய சாதனம் நெம்பு ஆகும்.நெம்பு ஆர் நிலையான ஒரு புள்ளி பற்றி இயங்கக்கூடிய கோலாகும். நெம்புகோலின் ஒரு முனையில்  விசை பிரயோகிக்க மறுமுனையில் அசைவு ஏற்படுகின்றது . நெம்பு கோலில் ஒரு சிறிய விசையைப் பிரயோகித்து பெரிய வேலையைச் செய்ய முடியும் .பிரயோகிக்கும் விசை எத்தனம் எனப்படும் .எத்தனம் மூலம் அசைக்கப்படும் பொருள் சுமை எனப்படும்.

நெம்புகோல் சுழலும் புள்ளி பொறுதி அல்லது சுழலிடம் எனப்படும் நெம்புகோலைப் பயன்படுத்தி சமையை அசைப்பதை கீழே தரப்பபட்டுள்ள படம் காட்டுகின்றது.

சுழலிடத்திலிருந்து விசை பயன்படுத்தப்படும் தூரத்தைப் பொறுத்தே விசையின் அளவு மாறுபடும் . தூரத்தை கூட்டும்போது பயன்படுத்த வேண்டிய விசையின் அளவு குறையும் . எனினும்; இக்குறைவான  விசையை கூடிய தூரம் நகர்த்த வேண்டி இருப்பதால் செய்யப்படும் வேலையின் அளவு மாறுபடுவதில்லை.

 ஆக்மிடீஸ் என்பவரே நெம்புகோல் கொள்கையை முதலில் விளக்கியவர் .இவர் பின்வருமாறு கூறினார் .

சமனான தூரத்தில் இருக்கும் சமனான எடைகள் சமநிலையில் இருக்கும் .

சமனான எடைகள் சமனற்ற தூரத்தில் இருக்கும் போது சமநிலையில் இராமல் தொலைவில் இருக்கும் எடையின் பக்கம் சரியும்.

 நெம்புகோலின் பயனை விளக்குவதற்காக நிற்பதற்கு ஒரு இடம் இருந்தால் நெம்புகோலைப்பயன்படுத்திப் புவியையே நகர்த்திக் காட்டுவேன் என ஆக்கிமிடீஸ் கூறினாராம்.

 நெம்புகோலின் பகுதிகள்

கீழ்நோக்கி பிரயோகிக்கிக்கப்படும் விசை எத்தனம் எனப்படும். பொhருளின் நிறை சுமை எனப்படும் சுமையும் எத்தனமும் அசைவது சிறிய கோலொன்றின் மூலமாகும். இது பொறுதி அல்லது சுழலிடம் எனப்படும்.   நெம்புகோலின் ஒரு முனையில் சுமை காணப்படும் மறுமுனையில் எத்தனம் தொழிற்படும் . சுமையானது எத்தனத்தின் மூலம் அசைவது பொறுதி பற்றியாகும்.

 இந்த நெம்புகோலில் எத்தனம் பிரயோகிக்கப்படுவது டி யில் ஆகும். எத்தனப்புயம்  உடி ஆகும் அதாவது எத்தனம் பிரயோகிக்கப்படும் புள்ளியில் இருந்தான பொறுதிக்கான தூரமாகும். சுமை தொழிற்படும் புள்ளியில் இருந்து பொறுதிக்கான தூரம் சுமைப்புயும் ஆகும் .

பொறிமுறை நயம்

 பொறிகளின் மூலம் பொதுவாக சிறிய விசையைப் பிரயோகித்து பெரிய சுமையை அசைக்கலாம் . இவ்வாறு பொறியொன்றின் சுமை எத்தனம் என்பவற்றுக்கு இடையிலான விகிதத்தை கணிப்பதன் மூலம் பொறிமுறை நயத்தை பெற்றுக்கொள்ளலாம்.

 எத்தனம் ,சுமை,பொறுதி ஆகியன அமையும் தானங்களினடிப்படையில் நெம்புகோலானது 03 வகையாகப் பிரிக்கப்பட்டுள்ளது.

 

·       முதலாம் வகை நெம்பு
·       இரண்டாம் வகை நெம்பு
·       மூன்றாம் வகை நெம்பு
 

   முதலாம் வகை நெம்பு

எத்தனத்திற்கும் சுமைக்கும் இடையே பொறுதி தொழிற்படுமாயின் அவ்வகையான பொறி முதலாம் வகை நெம்பு எனப்படும் .  இவ்வகை நெம்பு கோலின் சுலழிடம் சுமைக்கும் எத்தனத்திற்கும் இடையில் அமைந்திருக்கும். இதில் முயற்சி விசை தள்ளுவதன் மூலம் அல்லது இழுப்பதன் மூலம் கொடுக்கப்படும் . இவ்வகை நெம்பு கோல்கள் சிலவற்றில் சுழலிடம் ,சுமைக்கும் , முயற்சிக்கும்  சமதூரத்தில் நெம்புகோலின் மையப்பகுதியில் அமைந்திருக்கக் காணலாம். ஆனால் இது சுமைக்கும் முயற்சிக்கும் இடையில் எப்புள்ளியிலும் அமையலாம்.

உதாரணங்கள்

மிதிவண்டி நிறுத்துப்பொறி

கடப்பாறை

கவர்ச் சுத்தியல் (ஆணி பிடுங்கும் போது)

குறடு

கத்தரிக்கோல்

காலணி மாட்டி

நெம்புத் தண்டு

 இரண்டாம் வகை நெம்பு

எத்தனத்திற்கும் சுமைக்கும் இடையே சுமை அமைந்திருக்குமாயின் அது இரண்டாம் வகை நெம்புகோல் எனப்படும்.

பாக்குவெட்டியின் இரு தளங்களும் பொருத்தப்பட்டுள்ள ஆணியைச் சுற்றி அதன் இரு தளங்களும் சுழவும்,எனவே  இவ்வாணி அமைந்துள்ள புள்ளி பொறுதியாகும் . அதற்கு அடுத்ததாக  சுமை காணப்படும் .பாக்குவெட்டியின் இரு பிடிகளிலும் எத்தனம் பிரயோகிக்கப்படும் .

உதாரணங்கள்

Ø  கதவு

Ø  துடுக்கு

Ø  பாக்குவெட்டி

Ø  ஓற்றைச்சில் கைவண்டி

Ø  திருகாணிச்சாவி

Ø  பாய்பலகை

 மூன்றாம் வகை நெம்பு

 

மூன்றாம் வகை நெம்பில் சுமைக்கும் பொறுதிக்குமிடையே எத்தனம் தொழிற்படும்.தும்புத்தடி , தூண்டில் என்பன இவ்வகை நெம்பு கோல்களாகும்.

இவ்வகை நெம்புகளில் எத்தனப் புயத்தின் நீளத்தை விட சுமைப்புயத்தின் நீளம் அதிகமாகும். அப்போது சுமையை இழுப்பதற்கு அதனை விட அதிகளவு விசை பிரயோகிக்கப்பட வேண்டும். அதாவது இவ்வகை நெம்பில் பொறிமுறை நயம் ஒன்றிலும் குறைவாகும். எனினும் எத்தனம் குறைந்த தூரம் இயங்கும் போது சுமை அதிக தூரம் அயங்குவதனால் இவை நமக்குப் பயன்படுகின்றன. அதாவது எத்தனம் குறைந்த தூரம் அசைவதற்கு சுமை அதிக தூரம் அசைய வேண்டும்.

சாய்தளம்

குறைந்தளவு எத்தனத்துடன் பொருளொன்றை ஒழுங்குமுறையில் உயர்த்துவதற்கு பயன்படுவது சாய்தளமாகும். ஒரு சாய்தளத்தின் ஊடாகப் பொருளொன்றினை இழுத்தல் ,தள்ளுதல் மூலம் நிலைக்குத்தான தளத்திலிருந்து பொருளை மேலே உயர்த்துவது இலகுவாகும் .சாய்தளத்தின் சரிவு குறையும்போது  சாய்தளத்தின் நீளம் அதிகரிக்கும் .அப்போது அத்தளத்தினூடு கறைந்த எத்தனத்தின் பொருளொன்றை மேலே உயர்த்தலாம்.

 பொருளொன்றினை செங்குத்தாக உயர்த்துவதிலும் பார்க்கச் சாய்தளத்தினூடு மிகக் குறைந்த விசையைப் பயன்படுத்தி உயர்த்த முடியும் . பாரிய மரக்குற்றிகளை, தார் எண்ணெய் பீப்பாக்களை வாகனங்களினுள்ளே ஏற்றுவதற்குச் சாய்தளம் பயன்படுகின்றது. மலைநாட்டில் பாதைகளைச் சுருளி வடிவாக அமைப்பதனால் மேலே செல்வது இலகுவாகும் .இதற்கு காரணம் அது சாய்தள அடிப்படையில் அமைந்திருக்கும்.

சாய்தளம் ஒன்றின் மீதுள்ள பொருளில் உணரப்படும் விசைகளைக் கணிக்கும் போது மூன்று பிரதான விசைகள் கருத்தில் கொள்ளப்படும்.

1.செவ்வண் விசை

2.புவியீர்ப்பு விசை

3.உராய்வு விசை

 சாய்தளமொன்றின் பொறிமுறை நயம்

 எளிய பொறியொன்றின் பொறிமுறை நயம் என்பது சுமைக்கும் எத்தனத்திற்கு இடையிலான விகிதம் ஆகும் .இது சாய்தளமொன்றுக்கு சாய்தளத்தின் நீளத்திற்கு அதன் உயரத்திற்கு இடையிலான விகிதம் ஆகும்.

அன்றாட வாழ்வில் சாய்தளம் பயன்படுத்தப்படும் சந்தர்ப்பங்கள்

Ø  ஆப்பு

Ø  படிக்கட்டு

Ø  திருகுயாக்கு

Ø  திருகாணி

Ø  ஏணி

 கப்பி

சுமைமீது தொழிற்படும் விசையின் திசையை மாற்றுவதன் மூலம் வேலையை இலகுவாக்கக்கூடிய பொறி கப்பியாகும். ஓர் அச்சுப்பற்றிச்  சுழலக்கூடிய சில்லு கப்பி எனப்படும். சில்லின் பரிதியில் தவாளிப்புக் காணப்படும். கப்பியை ஒரு புள்ளியில் இணைத்து அதன் தவாளிப்பினூடாக இழையைச் செலத்த வேண்டும்.இழையின் ஒரு முனையில் சுமையை உயர்த்தலாம் . ஒரு பொருளை கீழ் புள்ளியிலிருந்து உயரமான நிலைக்கு உயர்த்த வேண்டுமெனின் விசையைப் பொருளின் மீது மேல்நோக்கிச் செங்குத்து திசையில் பிரயோகிக்க வேண்டும். ஆனால் கப்பியினூடு செல்லும் இழையின் ஒரு முனையில் எத்தனத்தைச் செங்குத்தாக கீழ்நோக்கி இழுக்கும்போது வேலை இலகுவாகின்றது.

 பட்டியில் இயங்கும் கப்பித் தொகுதி

ஓன்று அல்லது ஒன்றுக்கு மேற்பட்ட கப்பிகள் ஒரு பட்டி மூலம் இணைக்கப்பட்ட தொகுதி இதுவாகும். போறிச்சக்தி ,அடிப்பு முதலானவை இப்பட்டி மூலம் கடத்தப்படும்.

கப்பித் தொகுதிகளின் வகைகள்

 நிலைத்த தனிக்கப்பி

இங்கு கப்பி நிலையாக பொருத்தப்பட்டிருக்கும். எத்தனம் வழங்கும் திசையை மாற்ற முடியும்.இது முதல் வகுப்புக் கப்பிகள் எனப்படும்.இங்கு பொறிமுறை நயம் 1 ஆக இருக்கும்.

இயங்கும் தனிக்கப்பி

இங்கு கப்பி நிலையாகப் பொருத்தப்பட்டிருக்காது இது இரண்டாம் வகுப்புக் கப்பிகள் எனப்படும் .இங்கு பொறிமுறை நயம் 2 ஆக இருக்கும்.

  இணைந்த கப்பித் தொகுதி

நிலைத்த தனிக்கப்பி ,இயங்கும் தனிக்கப்பி ஆகியவற்றை ஒருங்கே கொண்டதாக இது காணப்படும்

சில்லுடன் அச்சாணி

சக்கரத்தையும் (சில்லு) தண்டையும் (அச்சாணி) கொண்ட வேலையை இலகுவாக்கும் அமைப்பு சில்லுடன் அச்சாணி எனப்படும். சுpல்லும் அச்சாணியும் ஒன்றுடன் ஒன்று பொருத்தப்பட்டுள்ளதால் சில்லுக்கு வழங்கப்படும் எத்தனம் அச்சாணியை சுழற்ற உதவும்.

 Ø  நீர்க் குழாய்

Ø  சுமைவுயர்த்தி

Ø  துறப்பணம்

Ø  செக்கு

 ஆழமான கிணறு , காரீயச் சுரங்கம் என்பவற்றில் மண் அல்லது காரீயத்தை மேலே கொண்டு வருவதற்காக அங்கு வேலை செய்பவர்களை இறக்குவதற்காகவும் மீண்டும் தரைக்குக்குகொண்டு வருவதற்காகவும் பாரஞ்சாம்பி என்னும் உபகரணம் பயன்படுத்தப்படுகின்றது.

பாரஞ்சாம்பி எனப்படுவது உருளை வடிவான மரக்குற்றியில் சில்லொன்றை இணைத்து படத்தில் காட்டியவாறு இரண்டு தாங்கிகளின் மீது சுயாதீனமாக சுழலக்கூடியவாறு அமைக்கப்பட்ட உபகரணமாகும்.

ஆரம்பக்கல்வி சுற்றாடல் பாடத்திட்டத்தில்  எளிய பொறிகள் தொடர்பில் உள்ளடங்குபவை

வேலைகளை இலகுபடுத்திக்கொள்ள பண்டைய காலத்தில் பயன்படுத்தப்பட்ட உபகரணங்களும் தற்போது பயன்படுத்தும் உபகரணங்களும்

வேலைகளை இலகுபடுத்திக்கொள்ள பாடசாலையில் பயன்படுத்தப்படும் உபகரணங்கள்

வேலைகளை இலகுபடுத்திக்கொள்ள வீட்டுச்சூழலில் பயன்படுத்தப்படும் உபகரணங்கள்

சுத்தியலின் வகைகள்

திருப்புளியின் வகைகளும் அவற்றின் பயன்களும்

நெம்பு கோலின் தத்துவத்தை பயன்படுத்தி வேலை செய்யும் சந்தர்ப்பங்கள்

1.சுவரில் ஆணி அறைதல்           -சுத்தியல்

2.சுவரிலுள்ள தேவையற்ற ஆணிகளை பிடுங்குதல்   -ஆணிபிடுங்கி

3.கற்குவியலை வேறு இடத்திற்கு கொண்டு செல்லுதல்   -தள்ளுவண்டி

4.மாசி,பாக்கு ,மூலிகை நறுக்குதல்     -    பாக்கு வெட்டி

5.தோட்டத்திலுள்ள பாரிய கற்களை புரட்டுதல்   - நெம்புகோல்

6.கடதாசி, துணி போன்றவற்றை அளவாக வெட்டுதல்   -கத்தரிக்கோல்

7.ரின் மீனை வெட்டுதல்   -மூடி வெட்டி

8.மென்பான போத்தலை திறத்தல்   -  மூடி திறப்பான்

9.சூடான இரும்பு துண்டை பிடித்தல் -  தணல் இடுக்கி

10.பொருட்களை நிறுத்தெடுத்தல் - நெம்புகோல் தராசு

சாய்தளக் கோட்பாட்டை  பயன்படுத்தி வேலை செய்யும் சந்தர்ப்பங்கள்

1.லொறியினுள் பீப்பாய்களை ஏற்றுதல்    -  சாய்தளப் பலகை

2.கீழ்த்தளத்திலுருந்து மாடிக்குச் செல்லுதல்     -மாடிப்படிகள்

3.விறகு பிளத்தல் அல்லது வெட்டுதல் -     கோடரி

4.மலையின் உச்சிக்குச் செல்லுதல்  -   மலைப்பாதை

5.உயரமான இடத்திலுள்ள மின் குமிழை கழற்றுதல்  -  ஏணி

7.உயரத்திலுள்ள பொருட்களை எடுத்தல்  -ஏணி

 

கப்பி எனும் எளிய பொறியை  பயன்படுத்தி வேலை செய்யும் சந்தர்ப்பங்கள்

1.   கிணற்றிலிருந்து நீர் அள்ளுதல்  -கப்பிகள்

2.   கீழ்த்தளத்திலிருந்து மேல் மாடிக்கு செல்லுதல்   -மின்சாரத்தூக்கி

3.   சீமெந்து கலவையை மேல்மாடிக்கு கொண்டு செல்லல்    - கப்பி

4.   துறைமுகங்களில் கொள்கலன்களை ஏற்றி இறக்குதல்   -கிறேன்

சில்லும் அச்சாணியும் பயன்படுத்தி வேலை செய்யும் சந்தர்ப்பங்கள்

1.  கிணற்றிலிருந்து நீர் வாளி மூலம் நீரை அள்ளுதல்   -பாரம் சாம்பி

2.   நீர்க்குழாயிலிருந்து நீரைப் பெறுதல்   - நீர்த்திருகி

3.   வாகனத்தை திருப்புதல்  -வாகனச் சுக்கான்

4.   சைக்கிளில் செல்லும்போது சைக்கிளை திருப்புதல்   -  கைப்பிடி

5.   கதவை பூட்டி வைத்தலும் திறத்தலும்  -   பூட்டும் சாவியும்

6.   வாகனங்களின் சக்கரங்கள் சுழலுதல்  -   அச்சும் சில்லும்

THANK YOU

NOTES BY BOSAA